सावली

 You can listen to the audio here for a better experience

https://www.dropbox.com/s/gr4x144aejsytgf/Sawli2.wav?dl=0

भुतांची सावली पडत नाही म्हणतात

पण त्याची तर पडत होती

नेहमीप्रमाणे  बागेत फिरायला गेलो होतो

आई बाळाची प्राम घेऊन गुणगुणत चालत होती

मी तिला म्हटलं थांबून गवतात खेळते

हे पण माझं रोजचंच

बागेतलं  गवत खूप आवडतं मला

त्यावरून हात फिरवला कि कश्या गुदगुल्या होतात नाही

मी मस्त गवतात लोळत होते

तेव्हाच ती सावली पडली

इतका वेळ डोळ्यात ऊन येत होतं

त्यामुळे ते किडे किडे दिसतात नाही का तसं दिसत होतं

पण हळूहळू नजर साफ झाली

मान एकदम दुखू लागली

छातीत धडधड होऊ लागलं

ते बाबा कधीकधी हॉरर पिचर लावतात

चुकून त्याचा आवाज पण कानावर पडला कि जसं वाटतं अगदी तसंच

ती सावली पडल्या नंतरच्या काही सेकंनदात जाणवलं

पिचर मधला भूत टीव्हीच्या बाहेर आलाय

पण आई तर म्हणते भुतांची सावली नाही पडत

माझ्यावरची सावली मोठी झाली

भूत वाकला होता

त्याचे डोळे माझ्या तुमच्या सारखेच

पण तो जसा पाहत होता, ते पाहून घाम फुटला

मी इतकी घाबरलेले कि पुतळ्यासारखी पडून राहिले

तेवड्यात तो हसला

म्हणाला तुझ्या आईने पाठवलंय तुला भेळवाल्याकडे घेऊन जायला

त्याचा आवाज पण माझ्यातुमच्या सारखाच

पण तरी अंगावर काटा का येत होता?

आणि त्याची सावली कशी पडत होती?

त्या भीतीत पण विचार आला आई असं कोणालाही नाही पाठवणार

त्यात हा तर भूत

मी नाही जाणार ह्याचा बरोबर

मी उठत नाही पाहून भुताने एका फटक्यात मला उचललं आणि पळू लागला

मी मोठ्याने किंचाळे पण आवाज आलाच नाही

मी खूप वेळा किंचाळत होते

पण आवाज येईना

त्याने मला एका गाडीत टाकले

गाडीत खूप अंधार होता

खिडक्या पण काळ्या

तिथे कोणाचीच सावली पडत नव्हती

आताच जाग आली मला

आजूबाजूला  प्रकाशाचं प्रकाश आहे

समोर टीव्हीत पाहिल्यासारखं दृश्य दिसतंय

आई खूप रडते आहे

बाबा डोकं खाली करून उभे आहेत

गर्दी जमलेली दिसते आहे

पोलीस काका पण आहेत

मला त्यांची ती लाल दिव्याची गाडी खूप आवडते

अरेच्च्या!! मध्ये तर मी आहे

पण मी तर इथे आहे

ती मी झोपलेली दिसतेय

फ्रॉक पण फाटला आहे तिचा

पायांचा मधून रक्त येतंय

आणि माझ्या चेहऱ्याला काय झालं

ओरबडे दिसत आहेत

एक्दम आठवलं सगळं

भुताने काय काय केलं ते

पुन्हा विचार आला

त्याची सावली कशी पडत होती?

मी मान मागे वळवून पाहिलं

माझी सावली पडत नाही आहे